Les 3!

Inleiding:

Vandag gaan ons, ons stemme opwarm deur ‘n paar taai tongknopers op te sê. Tongknopers is lawwe rympies wat moeilik is om reg op te sê.

Oefening 1:

Vandag gaan ons langs die see stap, maar terwyl ons stap, sien ons ‘n see monster! Die eerste tongknoper gaan soos volg: 

Sewe seemonsters swem elke Sondag in die see 

Laat die kinders die tongknoper stadig herhaal totdat hulle dit sonder enige foute kan sê.

Oefening 2:

Die monster is bang vir slange, so om die monster weg te jaag, moet ons soos slange maak. Laat die kinders die eerste tongknoper weer sê, maar laat hulle  elke “s” lank uit rek.

Oefening 3:

Noudat die monster weg is, stap ons na ‘n winkel om nuwe knope vir ons baadjie te koop. Die tweede tongknoper is:

Kallie kan koper knope koop 

Laat die kinders die tongknoper stadig herhaal totdat hulle dit sonder enige foute kan sê.

Oefening 4:

Na ons stappie, begin die son sak en ons besluit om te gaan slaap. Die laaste tongknoper is:

Drie dronk dansende duiwe dreun deur donker drome 

Laat die kinders die tongknoper stadig herhaal totdat hulle dit sonder enige foute kan sê.

Oefening 5:

Die volgende dag word almal wakker en sien dat dit buite reën.

Die kinders gaan nou ‘n Zulu roep-en-antwoord liedjie sing.

Zulu roep en antwoord liedjie:

Onderwyser:  Ngizwa imvula 

Kinders: Ngizwa imvula 

Onderwyser: Wena awuzwa 

Kinders: Wena awuzwa 

Onderwyser: Beka sesi manzi 

Kinders: Beka sesi manzi